ENTRADA DE MENORES - ACCESO AO FESTIVAL ARBO ROCK
Facendo uso do dereito de admisión, a organización do FESTIVAL ARBO ROCK permite a entrada ao evento aos menores que asistan acompañados dunha persoa maior de idade. Durante a súa estancia no recinto, o acompañante será responsable de calquera acción que o menor realice.
Para que isto sexa posible é necesario presentar á entrada do recinto, a seguinte documentación:
A autorización do pai/nai ou titor legal do menor debidamente cumprimentada que se poderá descargar na seguinte ligazón.
En todo momento tanto o acompañante como o menor deberán levar o seu DNI/Pasaporte, por se fose requirido por parte do persoal da organización, para acreditar a súa identidade.
No caso de cidadáns estranxeiros deberán achegar os documentos oportunos do seu país de orixe. A autorización de entrada/acceso de menores poderán recollerse e cumprimentarse á entrada do recinto nunha caseta de venda de entradas o día do festival (30 de xullo).
Para evitar aglomeracións, inconvenientes e sorpresas de última hora, dende a organización recomendamos descargar o documento dende a nosa páxina web (arborock.com) e enchelos con calma, asegurándose de cumprimentar todos os requisitos.
A Organización informa que a lexislación vixente prohibe expresamente a venda de alcol aos menores de idade. Lembrámosvos que o menor deberá en todo momento levar o seu DNI.
A falta de cumprimento dos requisitos anteriores, serán motivo de expulsión do recinto e non dará dereito a reembolso algún do prezo abonado pola entrada do menor.
Terán a entrada gratuíta todos os menores de 12 anos (incluído).